- Album Intro
- Lyrics
- Album list
- Singer Intro
郭忠祐
-
阿媽的手
Lyricist:陳偉強 Composer:陳偉強 Arranger:陳彥尊
猶原閣會記 彼个舊厝門口埕 猶有一个慈祥的人影 想起細漢時 將阮惜啊惜命命 共阮當做心肝的阿媽
掀開舊相片 彼个上疼我的人 永遠攏是將阮牽相倚 (毛灬)我四界看 上好的攏留予我 伊講我是伊的心頭肉
時間漸漸過 年歲也漸漸大 阿媽的手猶原溫暖阮心房
我的阿媽 你敢有聽見我的聲 你的心頭肉佇遮 換我牽你四界行
我的阿媽 換我唱歌予你來聽 毋管歲月怎樣戲弄 嘛袂拆散 我永遠攏是你的孫仔
【註】 (毛灬):照顧、養育,音tshuā
------------------------------------------
12526/《阿媽的手》A-má ê Tshiú 郭忠祐Kueh Tiong-iū
猶原閣會記 iu-guân koh ē-kì 彼个舊厝門口埕 hit ê kū-tshù mn̂g-kháu-tiânn 猶有一个慈祥的人影 iáu-ū tsi̍t-ê tsû-siông ê lâng-iánn 想起細漢時 siūnn-khí sè-hàn-sî 將阮惜啊惜命命 tsiong gún sioh--ah sioh-miā-miā 共阮當做心肝的阿媽 kā gún tòng-tsuè sim-kuann ê a-má
掀開舊相片 hian-khui kū siòng-phìnn 彼个上疼我的人 hit ê siōng thiànn guá ê lâng Find more lyrics at ※ Mojim.com 永遠攏是 íng-uán lóng-sī 將阮牽相倚 tsiong gún khan sio-uá 𤆬我四界看 tshuā guá sì-kè khuànn 上好的 siōng-hó--ê 攏留予我 lóng lâu hōo guá 伊講我 i kóng-guá 是伊的心頭肉 sī i ê sim-thâu-bah
時間漸漸過 sî-kan tsiām-tsiām kuè 年歲也漸漸大 nî-huè iā tsiām-tsiām tuā 阿媽的手 a-má ê tshiú 猶原溫暖阮心房 iu-guân un-luán gún sim-pâng
我的阿媽 guá ê a-má 你敢有聽見我的聲 lí kám ū thiann-kìnn guá ê siann 你的心頭肉佇遮 lí ê sim-thâu-bah tī tsia 換我牽你四界行 uānn guá khan lí sì-kè kiânn 我的阿媽 guá ê a-má 換我唱歌 uānn guá tshiùnn-kua 予你來聽 hōo lí lâi thiann 毋管歲月怎樣戲弄 m̄-kuán suè-gua̍t tsuánn-iūnn hì-lāng 嘛袂拆散 mā buē thiah-suànn 我永遠攏是 guá íng-uán lóng-sī 你的孫仔 lí ê sun-á
- Special thanks to W.B. Chen for correcting the lyric.
- Related Links: W.B. Chen
|