- Album Intro
- Lyrics
- Album list
- Singer Intro
許富凱
-
沓沓仔
23103/《沓沓仔》ta̍uh-ta̍uh-á 許富凱Khóo Hù-khái
いらっしゃいませ irasshaimase 住址敢好揣 tsū-tsí kám hó tshuē 佇遮咱有 tī tsia lán ū 聖經佮歌詩來交陪 sìng-king kah kua-si lâi kau-puê 我坐檯你免歹勢 guá tsē-tâi lí bián pháinn-sè 管事的是天頂頭家 kuán-sū--ê sī thinn-tíng thâu-ke 今夜你免酒醉 kim-iā lí bián tsiú-tsuì 咱來聽你講心內話 lán lâi thiann lí kóng sim-lāi uē
いらっしゃいませ irasshaimase 毋免亂亂踅 m̄-bián luān-luān se̍h 佇遮咱有 tī tsia lán ū 體貼佮祝福來做伙 thé-thiap kah tsiok-hok lâi tsò-hué 我坐檯你免頭犁犁 guá tsē-tâi lí bián thâu lê-lê 管事的是天頂老頭家 kuán-sū--ê sī thinn-tíng lāu-thâu-ke 今夜你免使目尾 kim-iā lí bián sái-ba̍k-bué 咱來聽你青春按怎過 lán lâi thiann lí tshing-tshun án-tsuánn kuè
沓沓仔 ta̍uh-ta̍uh-á 沓沓仔行 ta̍uh-ta̍uh-á kiânn 沓沓仔 ta̍uh-ta̍uh-á 沓沓仔聽 ta̍uh-ta̍uh-á thiann 你的阿母徛佇山嶺 lí ê a-bú khiā tī suann-niá 遠遠咧喝聲 hn̄g-hn̄g teh huah siann Blaq mita' sa' san su'
いらっしゃいませ irasshaimase 人客加一个 lâng-kheh ke tsi̍t-ê 佇遮咱有 tī tsia lán ū 糖仔佮果子來四配 thn̂g-á kah kué-tsí lâi sù-phuè 我照顧囡仔袂使性地 guá tsiàu-kòo gín-á buē sái-sìng-tē 疼惜的是天頂頭家 Find more lyrics at ※ Mojim.com thiànn-sioh--ê sī thinn-tíng thâu-ke 今夜你加幾若歲 kim-iā lí ke kuí-ā huè 咱來聽你做媽媽的改變 lán lâi thiann lí tsuè má-mah ê kái-piàn
沓沓仔 ta̍uh-ta̍uh-á 沓沓仔行 ta̍uh-ta̍uh-á kiânn 沓沓仔 ta̍uh-ta̍uh-á 沓沓仔聽 ta̍uh-ta̍uh-á thiann 你恬恬仔看著查某囝 lí tiām-tiām-á khuànn-tio̍h tsa-bóo-kiánn 輕輕咧喝聲 khin-khin teh huah-siann Blaq mita' sa' san su'
嫁來這个 kè lâi tsit ê 無翁的城市拍拚 bô ang ê siânn-tshī phah-piànn 總算揣著伴 tsóng-sǹg tshuē-tio̍h phuānn 故鄉的景緻 kòo-hiong ê kíng-tì 藏佇夢底 tshàng tī bāng-té 思思念念 su-su-liām-liām 敢攏無變化 kám lóng bô piàn-huà
沓沓仔 ta̍uh-ta̍uh-á 沓沓仔行 ta̍uh-ta̍uh-á kiânn 沓沓仔 ta̍uh-ta̍uh-á 沓沓仔聽 ta̍uh-ta̍uh-á thiann 阿母徛佇山嶺 a-bú khiā tī suann-niá 頭毛予月娘染白 thâu-mn̂g hōo gue̍h-niû ní pe̍h 故鄉路愈行愈遠 kòo-hiong lōo jú kiânn jú hn̄g 沓沓仔行到底 ta̍uh-ta̍uh-á kiânn kàu té 越頭看 ua̍t-thâu khuànn 原來我一直佇遮 guân-lâi guá it-ti̍t tī tsia 滿山遍野 muá-suann phiàn-iá 花蕊唱出春天的歌聲 hue-luí tshiùnn-tshut tshun-thinn ê kua-siann Blaq mita' sa' san su'
- Special thanks to W.B. Chen for sharing the lyric.
- Related Links: W.B. Chen
|