- Lyrics
- Album list
張羽偉
-
出狀元
Lyricist:張羽偉 Composer:張羽偉
最近的心情是亂紛紛 考試是常常在考鴨蛋 今年穩當擱拿去當 到時厝裡就熱鬧滾滾 父母叫阮就要那打算 恁那吃老是要靠阮喔 萬項代誌就要吞忍喔 認真讀冊才有久長喔 嘿喔嘿喔嘿喔 嘿喔 晚時電火就點卡光喔 精神那歹擱不能睡喔 下巴頂著擱繼續混喔
飼大講恁打拼是為著阮 哪為子犧牲是無議論 所以那吃老就要靠阮 你就讀冊才有久長喔 啊世間頭路是萬百款 不是講行行會出狀元 啊你讀冊那讀甲像我這款 不如就改行去出狀元 嘿喔嘿喔嘿喔 嘿喔 大家就攏來去出狀元 嘿喔嘿喔嘿喔 嘿喔 大家就攏來去出狀元 嘿喔嘿喔嘿喔 嘿喔 大家就攏來去出狀元
------------------------------------------
21087/《出狀元》Tshut Tsiōng-guân 張羽偉Tiunn Ú-uí 焦炭樂團Tsiau-thuànn Ga̍k-thuân
啊最近的心情 ah tsuè-khūn ê sim-tsîng 是亂紛紛喔 sī luān hun-hun--ooh 若考試是 nā khó-tshì sī 定定咧考鴨卵喔 tiānn-tiānn leh khó ah-nn̄g 啊今年穩當 ah kin-nî ún-tàng 閣提去當喔 koh the̍h-khì tǹg--ooh 啊到時厝內 ah kàu-sî tshù-lāi 就鬧熱滾滾 tiō lāu-jia̍t kún-kún
爸母叫阮 pē-bú kiò gún 著那拍算喔 tio̍h ná phah-sǹg--ooh 怹若食老 in nā tsia̍h-lāu 是愛靠阮喔 sī ài khò gún--ooh 萬項代誌 bān-hāng tāi-tsì 著愛吞忍喔 Find more lyrics at ※ Mojim.com to̍h-ài thun-lún--ooh 啊若認真讀冊 ah nā jīn-tsin tha̍k-tsheh 才有久長喔 tsiah ū kú-tn̂g--ooh
嘿喔嘿喔嘿喔嘿喔 heh-ooh heh-ooh heh-ooh heh-ooh 若暗時仔電火 nā àm-sî-á tiān-hué 著點到光喔 tio̍h tiám kah kng--ooh 啊精神若䆀 ah tsing-sîn nā bái 閣袂當睏喔 koh buē-tàng khùn--ooh 啊若下頦托桌 ah nā ē-hâi thuh toh 閣繼續混喔 koh kè-sio̍k hùn--ooh
若序大講怹拍拚 nā sī-tuā kóng in phah-piànn 是為著阮喔 sī uī-tio̍h gún--ooh 若為囝犧牲 nā uī kiánn hi-sing 是無議論喔 sī bô gī-lūn--ooh 所以若食老 sóo-í nā tsia̍h-lāu 著愛靠阮喔 tio̍h-ài khò gún--ooh 你著讀冊 lí tio̍h tha̍k-tsheh 才有久長喔 tsiah ū kú-tn̂g--ooh
啊世間頭路 ah sè-kan thâu-lōo 是萬百款喔 sī bān-pah khuán--ooh 啊毋是講 ah m̄-sī kóng 行行會出狀元喔 hâng-hâng ē tshut tsiōng-guân--ooh 啊你讀冊 ah lí tha̍k-tsheh 若讀甲像我這款 nā tha̍k kah tshiūnn guá tsit khuán 啊不如就改行 ah put-jû tiō kái-hâng 去出狀元喔 khì tshut tsiōng-guân--ooh
嘿喔嘿喔嘿喔嘿喔 heh-ooh heh-ooh heh-ooh heh-ooh 逐家就攏來去出狀元喔 ta̍k-ke tiō lóng lâi-khì tshut tsiōng-guân--ooh 嘿喔嘿喔嘿喔嘿喔 heh-ooh heh-ooh heh-ooh heh-ooh 逐家就攏來去出狀元喔 ta̍k-ke tiō lóng lâi-khì tshut tsiōng-guân--ooh 嘿喔嘿喔嘿喔嘿喔 heh-ooh heh-ooh heh-ooh heh-ooh 啊逐家就攏來去出狀元喔 ah ta̍k-ke tiō lóng lâi-khì tshut tsiōng-guân--ooh
- Special thanks to W.B. Chen for correcting the lyric.
- Related Links: W.B. Chen
|