- Lyrics
- Album list
- Singer Intro
洪一峰
-
傷心的晚暝
Lyricist:葉俊麟 Composer:日本人
惦夢中來相見 那有什路用 阮的心內已經是 袂得倘安靜 一旦來看破著 環境的造成 流浪著海角天邊 期待好前程 為怎樣 為怎樣 青紅燈 每夜來加添阮悲情
惦故鄉咱分離 彼暝月晚暝 你也流著傷心淚 惦在樓窗邊 窗外的青紅燈 猶原心稀微 可憐著咱的苦悶 閃熾到深更 為怎樣 為怎樣 一粒星 忽然來墬落彼邊去
惦樓窗舉頭來 觀望黃昏天 阮的心內漸漸來 感覺著酸悲 你雖然無願意 與阮來分離 已經是嫁給別人 懷念無了時 為怎樣 為怎樣 到晚暝 阮就來流著珠淚滴
------------------------------------------
14523/《傷心的暗暝》Siong-sim ê Àm-mî 洪一峰Âng It-hong
踮夢中來相見 tiàm bāng-tiong lâi siong-kìnn 哪有啥路用 ná-ū siánn lōo-īng 阮的心內 gún ê sim-lāi 已經是袂得通安靜 í-king sī buē-tit thang an-tsīng 一旦來看破著 it-tàn lâi khuànn-phuà tio̍h 環境的造成 khuân-kíng ê tsō-sîng 流浪著海角天邊 liû-lōng tio̍h hái-kak thinn-pinn 期待好前程 kî-thāi hó tsiân-tîng 為怎樣 uī-tsuánn-iūnn 為怎樣 uī-tsuánn-iūnn 青紅燈 Find more lyrics at ※ Mojim.com tshinn-âng-ting 每夜來加添阮悲情 muí iā lâi ka-thiam gún pi-tsîng
踮故鄉咱分離 tiàm kòo-hiong lán hun-lî 彼暝月暗暝 hit mî ge̍h-àm-mî 你也流著傷心淚 lí iā lâu tio̍h siong-sim luī 踮在樓窗邊 tiàm-tsāi lâu-thang pinn 窗外的青紅燈 thang-guā ê tshinn-âng-ting 猶原心稀微 iu-guân sim hi-bî 可憐著咱的苦悶 khó-liân tio̍h lán ê khóo-būn 閃爍到深更 siám-sih kàu tshim-kinn 為怎樣 uī-tsuánn-iūnn 為怎樣 uī-tsuánn-iūnn 一粒星 tsi̍t-lia̍p tshinn 忽然來墜落彼爿去 hut-jiân lâi tuī-lo̍h hit-pîng khì
踮樓窗攑頭來 tiàm lâu-thang gia̍h-thâu lâi 看望黃昏天 khuànn-bāng hông-hun thinn 阮的心內漸漸來 gún ê sim-lāi tsiām-tsiām lâi 感覺著酸悲 kám-kak tio̍h sng-pi 你雖然無願意 lí sui-jiân bô guān-ì 佮阮來分離 kah gún lâi hun-lî 已經是嫁予別人 í-king sī kè hōo pa̍t-lâng 懷念無了時 huâi-liām bô-liáu-sî 為怎樣 uī-tsuánn-iūnn 為怎樣 uī-tsuánn-iūnn 到暗暝 kàu àm-mî 阮就來流著珠淚滴 gún tsiū lâi lâu tio̍h tsu-luī tihh
- Special thanks to W.B. Chen for correcting the lyric.
- Related Links: W.B. Chen
|